Beneficios de plantar árbores nas cidades

Sabías que...

 

 

.

Actividade medioambiental (A21EG)

Os rapaces e rapazas do 3º ciclo de EP, participamos hoxe nunha actividade medioambiental centrada na reciclaxe.

 

Viñeron uns monitores de EcoEmbes e charlamos, fixemos unhas prácticas e vimos, tamén, uns vídeos.

 

Foi moi interesante!!!

 

Se queredes ver algunhas fotos visitade esta Galería

 

.

 

 

.

Celebramos o Día da Paz 2013

Este mércores 30 de xaneiro, celebramos no cole o Día da Paz.

Adornamos os corredores con murais sobre A PAZ e traballos que elaboramos toda a semana nas aulas. Algúns vídeos e xogos educativos están colgados neste blog, animádevos e botádelle unha ollada!

E sabedes que? A ANPA invitounos a comer un chocolate con churros!!!

Estaba delicioso aínda que para algúns non tanto, pero probárono igualmente e decidiron se repetir máis. Ao rematar de comer o chocolate, como bos protectores do medio ambiente que somos, axudamos a recoller cada cousiña no seu lugar, os vasos de plástico no contenedor amarelo, os papeis no azul e o orgánico no verde... aínda que os que máis recolleron foron os papás e mamás da ANPA.

Logo fomos ao pavillón municipal. Os nenos de 6º de EP leron un manifesto pola Paz e a continuación comezamos a xogar todos. Dividíronnos en grupos de maneira que os maiores axudaban aos máis pequenos e así, coa colaboración de todos, pasámolo en grande cos xogos populares.  Ata se animaron papás, mamás, avós e avoas a xogar con nós!!

Os nenos de 5 anos tiveron moita sorte porque ao día seguinte viñeron a visitalos antigos compañeiros que hoxe estudan Secundaria no IES Castro da Uz, e contáronlles historias preciosas relacionadas coa Paz. Queremos darlles as grazas a todos eles e á profesora de galego que os axudou.

Se queredes podedes ver fotos nesta Galería

.

Un par de consellos medioambientais

Dende as actividades da Axenda 21 que estamos a desenvolver no cole, queremos ir pouco a pouco transmitindo consellos de sostenibilidade e respecto á natureza, para empezar estes dous:

 

 

 

.

10 mandamentos sostenibles!!

 

Por certo, a Axenda 21 Escolar de Galicia participou no seminario de “Redes Escolares para la Sostenibilidad”.

Se queredes ampliar información podedes ler esta crónica: http://www.cmati.xunta.es/axenda21

 

 

.

Traballo de investigación: O papel, por Andrea V. 2º EP

Historia e orixe do papel, por Andrea Vilasuso, de 2º EP.

Andrea Vilasuso, de 2º EP, preséntanos o seu traballo de investigación sobre a historia e orixe do papel.

Noraboa, Andrea, un gran traballo!!!

.

Programa MeteoEscolas

O CEIP Plurilingüe A Fraga participa no programa Meteoescolas co obxectivo de desenvolver de xeito interdisciplinar competencias en investigación medio ambiental mediante a observación directa do clima na nosa escola, dando pé ao desenvolvemento das competencias básicas, por un lado, e apoiar a mellora dos logros dos estudantes e aumentar a concienciación medioambiental.
Ao participar, tamén, no Programa A21EG tratamos de integrar a cultura da sostibilidade e concienciación medioambiental no noso proxecto educativo, reforzando os nosos obxectivos educativos e a formación do noso alumnado como cidadáns responsables co seu entorno.
Propoñémonos como principais obxectivos que o noso alumnado tome conciencia das características meteorolóxicas e climáticas do seu entorno máis próximo e da súa relación con outros saberes e, moi especialmente, dos diversos aspectos da natureza e da importancia das actitudes, hábitos, etc, para tratar de gozalos, cambialos e/ou melloralos con pequenas accións que están ao seu alcance, dende a escola, en primeiro lugar, e dende o seu fogar e familia en última instancia.
Así mesmo, serve de motivación para incorporar prácticas docentes innovadoras que reforcen o desenvolvemento das Competencias Básicas e a Educación en Valores. O valor innovador deste programa débese á capacidade de vincular coñecementos meteorolóxicos e climáticos con actividades de aula, especialmente a nivel de matemáticas, coñecemento do medio e linguas, por un lado, e de darlles unha utilidade tanto persoal, mediante a comprensión e a toma de pequenas decisións, como social, inculcando valores e actitudes, por outro.
OBXECTIVOS XERAIS

• Mellorar o currículo do alumno en temas medio ambientais e de Coñecemento do Medio.
• Favorecer a tarefa común de coñecer mellor o clima galego en xeral e o microclima do noso contorno, en particular.
• Promover a investigación na escola.
• Favorecer o desenvolvemento de actitudes de sensibilidade e respecto á natureza.
• Difusión a través de materiais analóxicos e dixitais de informacións e actividades relacionadas co Programa MeteoEscolas.

Para elo trataremos de empregar unha metodoloxía pedagóxica que vincule a adquisición de coñecementos e o desenvolvemento de novas habilidades, actitudes e valores.
Propoñémonos levar a cabo pequenas accións sensibilizadoras e concienciadoras por parte do alumnado, moi concretas e realizables.
Ao mesmo tempo, trataremos de poñer o acento no protagonismo do alumnado e na súa participación activa no desenvolvemento das diversas actividades, mediante a transversalidade das aprendizaxes.

.

Reciclemos!

Coa reciclaxe non só nos desfacemos dos refugallos dunha maneira sustentable e ecolóxica senón que ademais axudamos á redución do gasto de recursos naturais, a contaminación do noso planeta e, en definitiva, axudamos ao Medio Ambiente.













.

As árbores (conto de Judit Goti Hermida)

Judit escribiunos este conto para concienciarnos sobre a importancia de cuidar a natureza.

Grazas, Judit!!

(Pincha para ampliar)

.

Saída a Marcelle: 1º e 2º de Ed. Primaria

Hoxe o Colexio levounos a Marcelle, en parte para que o pasáramos moi ben e, por outro lado, para tratar de concienciarnos e sensibilizarnos cara á protección da fauna silvestre e á conservación da natureza, motivándonos a cuidar e conservar a biodiversidade.

Por certo, a ANPA Medoñas colaborou financiando esta saída: GRAZAS!!!

Sufrimos un pequeno incidente e perdemos algunhas fotos, especialmente da primeira parte, na que visitamos parte dos animais... lástima!!,  pero neste enlace podedes ver moitas outras:

• Galería fotográfica da saída a Marcelle 1º e 2º Ed. Primaria (13/06/2012)

E se queredes podedes deixarnos comentarios do que vos parecen!!

.

Día do Medio Ambiente ( clase de 4 anos)

O  pasado martes 5 de Xuño foi o día mundial do Medio Ambiente, e os nenos da clase de 4 anos o celebramos traballando o auga. 

A profesora tróuxonos un conto "A gotiña Cristalina" que moi atentos todos escoitamos.

                                               

Despois falamos sobre a importancia de non malgastar nin contaminar o agua e que cousas poderíamos facer nos para evitar isto. ¡Todos dimos moitas ideas e prometemos cumprilas!

A mestra tíñanos preparado un mural sobre o aforro da agua, que comentamos entre todos e que  despois coloreamos. Moitas cousas das que falamos nos xa as facíamos ben.

Para rematar vimos alguns videos relacionados co medio ambiente e outros máis concretos relacionados co agua, cos que non so aprendimos, se non que rímonos moito. 

Foi un bo dia! 

Mural sobre o Medio Ambiente de 2º curso

MURAL SOBRE O MEDIO AMBIENTE. on PhotoPeach MÍRA ESTE VIDEO, FALA POR SI MESMO.

QUE TODOS OS DÍAS SEXAN 5 DE XUÑO!!!

Benvidos ao noso fogar, éste tan especial!!

.

Día Mundial do Medio Ambiente

Este 5 de xuño cúmplense 40 anos da primera cumbre ambiental, a Conferencia de Estocolmo. Por iso celebramos o Día Mundial do Medio Ambiente, así establecido pola Asemblea Xeral das Nacións Unidas, e tamén aprobou a creación do Programa das Nacións Unidas para o Medio Ambiente (PNUMA).
O Día Mundial do Medio Ambiente é un xeito de sensibilizar en relación a temas ambientais, motivando ás persoas para que se transformen en axentes activos do desenvolvemento sostible e equitativo, e fomentar a cooperación, pois esta garantirá que tódalas nacións e persoas gocen dun futuro máis prospero e seguro.
O CEIP Plurilingüe A Fraga, uníuse o proxecto Axenda 21 Escolar de Galicia (A21EG) con ise mesmo obxectivo, o de sensibilizar, motivar e ensinar aos nosos nenos e nenas que podemos e debemos cuidar o noso entorno natural, o noso planeta. Por iso realizamos diversas actividades nas que participaron todos os cursos e áreas, como parte do noso Proxecto Educativo.
Deixámosvos aquí uns vídeos simpáticos e especialmente interesantes para os máis pequenos, para animarvos a todos a Cuidar o Planeta!!!

.

Por un planeta limpo!

Gústache a natureza? Pois tal como estamos facendo, vaise estragar. Se non queres que iso ocorra, temos que colaborar xuntos: reducindo o consumo, reutilizando materiais e separando para reciclar.

Estes contedores, xa os coñeces, verdade?

                                    

   Papel e cartón                       Plástico, latas e briks                      xenérico                      vidro  

Pero ademais, hai outros:

                                               

           aceite doméstico                      pilas                               roupa e calzado

      

E…sabes onde se poden levar estas cousas? 

                     

   AO PUNTO LIMPO

Máis información: http://ceipafraga.blogspot.com.es/

O MEDIO AMBIENTE TAMÉN É NOSO

        Para a AXENDA 21, o alumnado de Quinto e Sexto de primaria elaboramos un mural con debuxos e frases que teñen que ver co coidado do noso medio ambiente.

Por exemplo: usar as bicicletas é bo para o planeta Terra, hai que reutilizar e reciclar todo o posible, reducir a contaminación . . .

Aprendemos tamén a usar os diferentes colectores para separar o lixo.

Celebramos o día do Medio Ambiente: sabemos reciclar.

ACTIVIDADES ON-LINE PARA APRENDER A RECICLAR.

.

PINCHA AQUÍ

RECICLAMOS OS RESIDUOS

A semana pasada repartíronse colectores amarelos e azuis por todas as aulas do noso centro para lembrarnos que cómpre separar o lixo para contribuír á mellora do medio ambiente.

Axenda 21 Escolar de Galicia

A Conferencia das Nacións Unidas sobre Medio Ambiente e Desenvolvemento que tivo lugar en Río de Xaneiro en 1992 aprobou, como un dos seus documentos máis relevantes, a Axenda 21. 


En realidade a Axenda 21 significa un plan de traballo global para o século XXI, un plan de acción das Nacións Unidas para un desenvolvemento  sostible, que comprende e conxunta cuestións ambientais, económicas, sociais e culturais.


A Axenda 21 Escolar é o compromiso do CEIP A Fraga para traballar pola calidade ambiental e a sostibilidade do centro educativo e o seu contorno, aceptando a súa parte de responsabilidade  en mellorar o presente e o futuro de todos e contribuíndo así, desde o seu nivel local, á sostibilidade global do planeta.


OBXECTIVOS XERAIS

• Motivar á comunidade educativa a participar e implicarse na A21EG.

• Fomentar a participación e a responsabilidade a través das accións que desenvolva o programa.

• Considerar a A21EG como un Programa de centro.

• Mellorar a xestión dos recursos do centro mediante o fomento de prácticas de consumo responsable: introducir cambios de hábitos individuais e colectivos do alumnado, profesorado, persoal non docente...