20 DE NOVEMBRO DÍA INTERNACIONAL DOS DEREITOS DOS NEN@S

O 20 de novembro quedou institucionalizado como DÍA INTERNACIONAL DOS DEREITOS DOS NEN@S, O DÍA UNIVERSAL DA INFANCIA. Nesta data recórdasenos que un nen@ é unha persoa que ten dereito a ser educado, coidado, protexido,....tamén ten dereito a divertirse, a aprender e a expresarse. Tódolos nen@s teñen o dereito de ir a escola, a recibir coidados médicos, e a alimentarse.

A Asamblea Xeral das Nacións Unidas adoptou un 20 de novembro de 1989 A Convención dos Dereitos dos Nen@s. E todos os Estados firmantes teñen a responsabilidade do seu cumprimento. Pero isto non é así porque diariamente séguense violando os dereitos de millóns de nen@s en todos os países do mundo. As institucións públicas, privadas e a sociedade en xeral, deben responder e seguir loitando para que a Convención se converta nunha realidade en beneficio dos nen@s.

Pero recordade peques que tamén hai uns deberes que debedes cumprir……..

 

Este vídeo ensina dende o punto de vista dunha nena cales son os Dereitos dos nen@s.

  Para os máis peques a explicación de Pocoyó.

 En 2014 cúmprense 25 anos da Convención dos Dereitos. Pincha na imaxe para saber moitas cousas.