Centro Plurilingüe A FRAGA

Escola de Familias: "Rabietas, caprichos e berrinches..."

O vindeiro martes, 1 de marzo, ás 16, 30 horas, celebraremos a segunda sesión da nosa escola de familias.

Nesta ocasión o tema a tratar vai sobre as "rabietas, caprichos e berrinches", que son e a súa relación co establecemento de normas e as consecuencias a aplicar.

Deixámosvos a nota informativa desta sesión e invitámosvos a todas e todos a asistir e participar.

E, por suposto, está aberta a todo o mundo, mamás e papás, avós, irmáns, tíos... ou simplemente persoas interesadas no tema, aínda que non pertenzan ao noso centro.

Esperamos que vos guste!!!

Día de Rosalía de Castro

Un ano máis o 24 de febreiro conmemoramos o Día de Rosalía de Castro. A Asociación de Escritoras e Escritores en Lingua Galega (AELG) propón á cidadanía que se agasalle un libro en galego e unha flor, alén doutras accións que contan con grande aceptación e impulso por parte da sociedade, e moi especialmente polo sector educativo.

E, así, no Cole da Fraga imos celebralo elaborando e enviando unha postal cun verso que actúa de estímulo creativo para que rapazas e rapaces realicen un debuxo en torno á figura de Rosalía de Castro.

Como texto a seguinte estrofa de “Alborada”, de Cantares gallegos:

Canta, paxariño alegre, canta!

Canta porque o millo medre, canta!

Canta porque a luz te escoite, canta!

Canta que fuxeu a noite.

Aquí podedes ver como quedou o traballo colectivo que fixemos para a entrada do cole:

Na casa pronto volo recitarán as vosas fillas e fillos.

Feliz Día de Rosalía!!

.

24 DE FEBREIRO- DÍA DE ROSALÍA

O 24 DE FEBREIRO conmemoramos o día da nosa poetisa ROSALÍA DE CASTRO. Con tal fin e para contaxiarnos da beleza das súas palabras cada neno e nena do cole levará para compartir coa súa familia uns versos....disfrutádeo.

BUZÓN DA AMIZADE

Esta semana recibimos o noso BUZÓN DA AMIZADE!!!!, que ilusión!

Preguntaredesvos que cousa é esa...pois mirade, os nenos e as nenas de 2º de EP estamos facendo novos amigos. Cada un de eles e elas fixeron un amiguiño ou unha amigiña do CEIP Mosteiro de Caaveiro da Capela. Escribíronlle unha carta e xa recibiron tamén unha deles.

Que bonito é ter novas amizades!!!!
Aquí temos algunha das probas gráficas da entrega dos buzóns en cada un dos coles.

Novos números de teléfono

Vimos de renovar a nosa infraestructura telefónica e temos nova numeración:

Teléfono: 881 938 156

Fax: 881 938 157

Igualmente poden poñerse en contacto con nós a traves do correo electrónico mediante as direccións:

info@ceipafraga.org

ceip.afraga@edu.xunta.es

24 de Febreiro!!! Día de Rosalía de Castro

Coma acostumamos a facer cada 24 de febreiro no cole, este ano tamén imos celebrar o día de Rosalía de Castro.

Este ano compartiremos unha actividade con moitos outros centros de Galicia e coas nosas familias...que será???

"A pulga e o piollo"

"A pulga e o piollo", 1º EP curso 2015-16.

Os rapaces e rapazas de 1º de Primaria estamos traballando para mellorar a nosa lectura e, tamén, para aprender a estudar e aprender cousas de memoria... e por iso queremos recitarvos o poema "A pulga e o piollo" que limos, estudamos e aprendimos axiña!!!

Que divertido!!