O VENRES 29 DE SETEMBRO CELEBRAMOS O DÍA MUNDIAL DO CORAZÓN.

O venres 29 de setembro celebramos

 O DÍA MUNDIAL DO CORAZÓN 

cunha dinámica cardiosaudable.

 Por diferentes zonas do cole había Roeles agochados e tiñamos que atopalos. 

Unha vez que os atopabamos podiamos cambialos por corazóns e formabamos un corazón xigante. 

Que ben o pasamos!! 

Mirade a galería de fotos.

CHEGA O CARTEIRO CON CARTAS DE ROEL DENDE LONDRES!!!

Que sorpresa tivemos hoxe!!!

Chegou un carteiro de Correos con cartas e regalos que Roel
 mandaba de Londres.

Este Roel é moi viaxeiro, tamén nos mandou un vídeo, mirade, mirade...



Moitas grazas Roel!!

E grazas tamén para o carteiro que nos trouxo esta sorpresa.

Mira a galería de fotos.

Este curso estamos moi viaxeiros. Traballamos o Proxecto

A VOLTA AO COLE EN 175 DÍAS

Facemos diferentes dinámicas e actividades con referencia a ese tema.

Así aprendemos un montón de cousas de diferentes países xa que saíndo de As Pontes visitaremos

Londres, París, Hungría,.., Exipto, África, India, China, Xapón, Norteamérica, Centroamérica e Sudamérica.

Cada clase fará diferentes traballos e actividades dunha zona, país ou continente e quedarán expostos polo cole cunha decoración moi especial para poder facer a volta ao cole visitando todos eses países.

WORLD HEART DAY 29 SEPTEMBER 2017

HAVE A HAPPY
                     AND 
                            HEALTHY
                                         WORLD
                                                    HEART 
                                                                DAY!!!

ACTIVIDADE CARDIOSAUDABLE, sumámonos ao Día Mundial do Corazón.

Estimadas familias: 

como sabedes, neste curso 2017-18 continuamos coa nosa teima de promover unha vida saudable.

Ademais do PLAN PROXECTA,

(ata agora froita, neste curso leite tamén), 

que xa leva en funcionamento uns cursos, este ano introducimos 

unha ACTIVIDADE CARDIOSAUDABLE. 

Diariamente, no noso colexio realizamos unha actividade de 10 minutos con este fin.

Por todo isto, sumámonos á celebración do

Día Mundial do Corazón o venres 29 de setembro.

A Federación Mundial do Corazón ( World Heart Federation) celebra este día en máis de cen países, entre eles España, co obxectivo de promover medidas preventivas e concienciar sobre a importancia da loita contra as enfermidades cardiovasculares.

Recursos didácticos:

Pincha na imaxe para ver o folleto de Supercorazón.

Supercorazón, o heroe dos nenos: comer de forma saudable e facer exercicio é divertido e pon en forma os corazóns para que se manteñan fortes e felices.

PINCHA AQUÍ PARA VER EL CORAZÓN EN 3D.

EL APARATO CIRCULATORIO HUMANO

FUNDACIÓN ESPAÑOLA DEL CORAZÓN.

COMEZA O CURSO!!

O vindeiro luns comeza o curso 2017-18!!

Lembrarvos que o horario deste primeiro día será de 11,00 a 12,30 h.

Aproveitaremos, ademais de presentarnos de novo, profesorado, alumnado e familias, para actualizar datos como cambios de teléfonos, direccións, situacións de interese, entregar a guía de inicio de curso, solicitudes de saídas, normas, etc...

Saúdos!!

FIN DE CURSO E IMPACTO ACADÉMICO NAS PONTES

Reunidos os equipos directivos dos IES Moncho Valcarce e Castro da Uz, dos CEIP´S Magdalena, Santa María, A Fraga, e Mosteiro de Caaveiro (Capela) manifestamos o noso total desacordo co peche do CPI MONTE CAXADO, ca redistribución do alumnado de secundaria e coa incertidume creada nos centros da Vila de As Pontes cara ao futuro. Igualmente estamos en desacordo coa supresión dun mestre no Mosteiro de Caaveiro.

A igualdade, por Aitana, Arianne e David, de 2º EP

Hoxe, Aitana, Arianne e David, presentáronnos un traballo sobre a igualdade entre homes e mulleres impresionate!!!

Fixeron unha serie de entrevistas fabulosas a mulleres da vila, que explicaban a súa experiencia de vida laboral, persoal, nos tempos actuais e en tempos moi anteriores, os nosos avós, tempos nos que moitas veces as familias eran moitísimo máis numerosas que na actualidade, como a de Antonia, a familia do pai de Aitana, 12 irmáns, ou cando tiñan que emigrar para poder sacar a súa familia adiante como o caso de Enedina... ou tempos nos que nunca imaxinarían que houbera mulleres policia, médicas, concelleiras, etc...


A continuación tedes dous vídeos:

• En primeiro lugar tedes o traballo exposto en clase.
• En Segundo lugar tedes o vídeo que elaboraron con todas as entrevistas.

Super, super, superinteresante!!! Bravo!!!

Xenial, Aitana, Arianne e David, vades camiño de ser uns reporteiros fenomenais!! 

Esperamos que o ano que ven fagades máis traballos destes... Grazas!!!

" A igualdade ", por Aitana, Arianne e David, de 2º EP.

" REPORTAXE: A igualdade ", por Aitana, Arianne e David, de 2º EP.

.

5TH JUNE 2017 WORLD ENVIRONMENT DAY

The Eden Project : A Sustainable way to connect to Nature.

Incendio na Fraga!!!

Este pasado xoves, 1 de xuño, efectuamos un simulacro de incendio no Colexio da Fraga.
Simuladamente iniciouse o lume no almacén de deportes e deseguido chamamos ao 112, que procedeu a envíar aos voluntarios de Protección Civil co camión de bombeiros e á Policía Local para cortar a rúa e controlar o tráfico.
Nós, en tanto, desaloxamos as aulas e reunímonos no punto de encontro. Dende alí vimos todo o operativo, como chegaron co camión, foron ata o foco do incendio e rescataron a un "ferido" (un voluntario de Protección Civil), apagaron o lume coas mangueiras e, finalmente, co extractor botaron o fume fóra.
A continuación déronnos uns bos consellos para prevenir e actuar en casos de emerxencia e deixáronnos ver os equipos que usan nestes casos.

Moitas grazas aos efectivos de Protección Civil e da Policía Local!!!

Se queredes podedes ver a noticia da tele Local, RTV Eume: Moitas grazas!!

.

CELEBRAMOS O MEDIO AMBIENTE FACENDO UNHA SELVA.

O luns 5 de xuño celébrase o

Día Mundial do Medio Ambiente. 

Esta data foi establecida pola Asamblea Xeral das Nacións Unidas o 15 de decembro de 1972. Actualmente celébrase en máis de 100 países.

O lema

 "Conectar as persoas coa natureza".

"El Día Mundial del Medio Ambiente 2017 nos anima a salir al aire libre y adentrarnos en los espacios naturales para apreciar su belleza y su valor, y a impulsar el llamamiento a la protección de la Tierra, nuestro hogar común. Reconéctate con la naturaleza, respira la belleza y recuerda que manteniendo al planeta sano, nosotros también permaneceremos saludables."

Dende a clase de Reli traballamos este día e o Día da Terra realizando un gran mural no que representamos unha selva e unha catarata. Recordamos tamén que é a nosa responsabilidade coidar A CREACIÓN.

Un traballo excelente peques e pecas. Aquí tedes as fotos e algún vídeo para reflexionar.