A ledicia de ler e xogar. 2 de abril Día Internacional do libro infantil e xuvenil.

 

Ola peques e pecas,

          o mes de abril é o mes dos libros. Xa sei que vos gusta moito ler e neste mes temos  dúas datas moi importantes, o 2 e o 23 de abril.

Imos centrarnos no 2 de abril, ese día conmemórase o Día Internacional do Libro Infantil e Xuvenil. Sabedes por que? pois para homenaxear o nacemento de Hans Christian Andersen, escritor de contos tan famosos como A Sirenita, O soldadito de chumbo, Brancaneves,...

          Dende 1967 cada ano un país membro da Organización Internacional para o Libro Xuvenil (IBBY) escribe unha mensaxe e edita un cartel anunciador da data. A finalidade é inspirar amor polos libros e a lectura. Este ano tocoulle a Estados Unidos, o cartel que vedes nesa imaxe foi diseñado por Ashley Bryan e a mensaxe foi escrita por Pat Mora. A continuación aparece traducida ao galego pola escritora Concha Blanco. Recordade a importancia da lectura, ler transpórtanos a moitas aventuras e axúdanos a medrar.

 

Lemos xuntos, ti e eu.
Vemos que as letras forman palabras
e as palabras convértense en libros
que estreitamos nas nosas mans.

Oímos murmurios
e ríos buliciosos nas súas páxinas,
osos que cantan
graciosas melodías á lúa.

Entramos en misteriosos castelos
e das nosas mans soben ata as nubes
árbores florecidas. Vemos nenas valentes que voan
e nenos que atrapan as estrelas.

Lemos xuntos. Ti e eu, dando voltas e voltas,
percorrendo o mundo coa alegría nos libros.

SE PINCHAS NA SEGUINTE IMAXE PODES VER VIDEOCONTOS DE H.C.ANDERSEN

 

 

PARA COÑECER UN POUCO A HANS CHRISTIAN ANDERSEN, actividade creada por Julia González do CEIP Mestres Goldar. Podes coñecer a súa figura, facer parellas, crebacabezas,....

 

 

 

 

SE QUERES INVENTAR O TEU PROPIO CONTO PINCHA NESTA IMAXE E PODERÁS COLOCAR ESCENARIOS, PERSONAXES E ESCRIBIR A TÚA PROPIA HISTORIA. INCLUSO IMPRIMILA.

 

 

 

LER É MOI IMPORTANTE NON IMPORTA A LINGUA QUE UTILICEMOS, GALEGO, CASTELÁN, INGLÉS,.... AQUÍ TEDES UN TELEXORNAL SOBRE VIDAL BOLOAÑO, AUTOR HOMENAXEADO ESTE ANO NO DÍA DAS LETRAS GALEGAS. ASÍ ACERCÁMONOS UN POUQUIÑO Á SÚA FIGURA. FOI REALIZADO POLO CPI DOS DICES ROIS.