Día de Rosalía de Castro

Un ano máis o 24 de febreiro conmemoramos o Día de Rosalía de Castro. A Asociación de Escritoras e Escritores en Lingua Galega (AELG)  propón á cidadanía que se agasalle un libro en galego e unha flor, alén doutras accións que contan con grande aceptación e impulso por parte da sociedade, e moi especialmente polo sector educativo.

E, así, no Cole da Fraga imos celebralo elaborando e enviando unha postal cun verso que actúa de estímulo creativo para que rapazas e rapaces realicen un debuxo en torno á figura de Rosalía de Castro. 

Como texto a seguinte estrofa de “Alborada”, de Cantares gallegos:

Canta, paxariño alegre, canta!

Canta porque o millo medre, canta!

Canta porque a luz te escoite, canta!

Canta que fuxeu a noite.

Aquí podedes ver como quedou o traballo colectivo que fixemos para a entrada do cole:



Na casa pronto volo recitarán as vosas fillas e fillos.

               Feliz Día de Rosalía!!


.

24 DE FEBREIRO- DÍA DE ROSALÍA

 O 24 DE FEBREIRO conmemoramos o día da nosa poetisa ROSALÍA DE CASTRO. Con tal fin e para contaxiarnos da beleza das súas palabras cada neno e nena do cole levará para compartir coa súa familia uns versos....disfrutádeo.

BUZÓN DA AMIZADE

Esta semana recibimos o noso BUZÓN DA AMIZADE!!!!, que ilusión!

Preguntaredesvos que cousa é esa...pois mirade, os nenos e as nenas de 2º de EP estamos facendo novos amigos. Cada un de eles e elas fixeron un amiguiño ou unha amigiña do CEIP Mosteiro de Caaveiro da Capela. Escribíronlle unha carta e xa recibiron tamén unha deles.


Que bonito é ter novas amizades!!!!
Aquí temos algunha das probas gráficas da entrega dos buzóns en cada un dos coles.

 

24 de Febreiro!!! Día de Rosalía de Castro

Coma acostumamos a facer cada 24 de febreiro no cole, este ano tamén imos celebrar o día de Rosalía de Castro.

Este ano compartiremos unha actividade con moitos outros centros de Galicia e coas nosas familias...que será???

SORPRESA!!!

Clica aquí e verás... !!!

.

GUAAAAAAAUUUUUU!!!!! MIRADE QUEN NOS VEU VER...

Raparigos e raparigas da Fraga, mirade que atopei...



https://youtu.be/Ye9Z8yfK1EI


é Roel.


Fixádevos ben que nos trouxo para o noso crossbooking....

BOOKCROSSING

Festa!!! Por fin o "día do libro". Que vos parece si facemos un BOOKCROSSING? Iso que é? - preguntaresdesvos.
Pois cada un de vós traerá un libro co nome posto que queira compartir para deixar no noso colexio co gallo de que outros compañeiros e compañeiras os collan, leven á casa, os disfruten, os lean e compartan coa familia e os devolvan. Os libros, probablemente non os recuperedes, así que pensade ben cal queredes traer.

Teño unha idea! Cada unha das persoas que o leven deixará un agasallo persoal (debuxo, comentário, tarxeta...) para que cando o colla a seguinte persoa leve unha agradable sorpresa...

Na primeira folla do libro haberá unha etiqueta onde poredes o nome e curso da persoa que colleu o libro e a emoción que sentiu con el.

Veña, veña! Mans á obra, que me está tardando traer o meu libro....

E... Xa sabedes:

CANTO   MÁIS    LEDES,

MÁIS    IMAXINACIÓN    TEREDES

E   MÁIS    COUSAS   SABEREDES.

Moitos biquiños de

                                                               Roel     

PINCHA AQUÍ SE QUERES VER CONTOS E XOGOS SOBRE O DÍA DO LIBRO. 

 

 

VIDEOCONTO VIAXEIRO!!!!

Mirade, que cousa máis bonita...

É o videoconto viaxeiro no que os nenos e nenas de 1º, 2ºe 3º de EP participaron, xunto co alumnado dos outro colexios do noso pobo. Si queredes podedes ver tamén a primeira parte, que se fixo xa o curso pasado.
DISFRUTÁDEO.




Se queredes velo na páxina web orixinal  O Contoviaxeiro "Aventura na Terra das Pontes! " pinchade nesta ligazón: https://cvaspontes.wordpress.com/

QUE MEDO!!!

Os lambonciños de 1º de EP prepararon unha merenda monstruosa, que da moitísimo medo...pero deliciosa.

 Mirade para aí, e ide practicando na casa  que é sinxelo  ademáis de moi saudable.

BAILANDO COS CONTOS

BOAS RAPARIGOS E RAPARIGAS!!!!

Onte pasámolo moi ben!!! os nenos e as nenas de 5 anos, de 1º e de 2º fomos ver un maravilloso contacontos...bailando cos contos. Pasámolo moi ben.

E sabedes, ¿entre nos hai moitos animaliños?

FROITAS MISTERIOSAS

ESTES DÍAS APROVEITAMOS PARA PROBAR   FROITAS TROPICAIS!!!!


ESTAS VERDES SON FEIXOAS...





















E ESTAS QUE ESTÁN VESTIDAS CUN TRAXE ELEGANTE E ESCONDEN O SEU CORAZÓN LARANXA SON OS ALQUENQUEXES.



AMBOLOS DOUS ESTABAN BOÍSIMOS....

EXPOSICIÓN DE CABAZAS

Ola de novo amigos!!!Como todos os anos para celebrar o Samaín, imos facer unha exposición de cabazas.Os que queirades participar, podedes traer a  vosa cabaza a partir do luns día 27 de outubro. Animádevos e deixade voar a vosa  imaxinación para decoralas. Estarán expostas ata o xoves, día 30, que teredes que levalas. Ese día celebraremos tamén o magosto.

 Lembrade que estou agardando con moita ilusión os vosos contos  e debuxos . A min gústame moito ler.

Tamén espero con impaciencia algunha historia cos topónimos que coñezades vós ou a vosa familia.

Que ben o imos pasar xuntos!!!

Moitos bicos!!!!!!!!

Que feliz son neste cole!!!!!

Bos días rapazas e rapaces!!!!!!     Estou supercontento...Acabo de revisar o meu caixón de correo e TACHÁN!!!!! Estaba case cheo. Tiña un montón de debuxos, xogos, cartas, landras e castañas (uhmmmmmm!!!) e todas feitas con moito agarimo. Tal como vos dixen na miña carta, xa hai nenos e nenas que me trouxeron Topónimos coa súa curiosidade. Mirade vouvos contar algo que me contou a profe de Relixión que atopei este verán cando fun surfear a Pantín. Mirade que cousas: na praia de Pantín houbo unha vez unha marea moi grande que inundou toda unha zona. Pois resulta que dende aquela a esa zona da praia lle chaman Marnela (Mar nela). 

Unicamente hai unha cousa que me ten preocupado, e é que neste cole ninguén emprega o galego...co que a min me gusta a nosa lingua. Por favor, escribídeme en galego.

Moitos biquiños!!!!    ROEL

Pequenos lectores

Ola amigos!!!

          Xa logo comeza o mes de outubro e quero lembrarvos que daquela xa abre a biblioteca durante os recreos e tamén polas tardes.

          Hai algunhas novidades, como por exemplo que a biblioteca abrirá de luns a xoves. Os venres non estará aberta.

         Tamén vos direi que o curso pasado estropeáronse un pouco os sillóns do rincón de lectura. Agora xa están amañados pero hai que TRATALOS MOI BEN se non queremos quedar sen eles. Polo tanto, sentádevos ben, un en cada sillón e non xoguedes con eles.

        Espero vervos moi pronto por alí. Eu estarei vixiando para saber quen vai ler ou coller libros e tamén mirarei como vos portades.

        Como en anos anteriores, e sabendo que sempre o facedes moi ben, quero pedirvos que me axudedes. Este curso, como fixo Xosé Filgueira Valverde- autor ao que no 2015 se lle adican as Letras Galegas- pídovos que busquedes, coa colaboración da vosa familia, topónimos (nomes de lugar) curiosos ou que vos chamen a atención  e que me contedes curiosidades acerca deles (orixe do nome, cancións, lendas, imaxes do lugar...). Agardo impaciente...

E... Xa sabedes:

CANTO   MÁIS    LEDES,

MÁIS    IMAXINACIÓN    TEREDES

E   MÁIS    COUSAS   SABEREDES.

Moitos biquiños de

                                                               Roel      

CONTO VIAXEIRO.

Ola a tod@s, os nen@s de 3º, 5º e 6º participaron durante este curso nun conto viaxeiro en colaboración con outros coles de As Pontes.
Aquí vos deixamos o enlace á páxina web na que podedes ver o conto viaxeiro, a viaxe, o videoconto e as fotos. Animádevos a velo é super chulo!!! Noraboa peques e pecas!!
Pincha aquí para ver o CONTO VIAXEIRO E OUTRAS ACTIVIDADES.

LEMOS NO LICEO

O sábado 17 de maio dentro das actividades para celebrar o Día das Letras Galegas, tres alumnas do noso cole participaron, xunto con outros colexios de As Pontes, na lectura pública de textos en galego no Liceo. Noraboa a Paula de 2ºE.P. e a Cristina e Alba de 6ºE.P. Pasámolo moi ben e animádevos todos a participar o próximo curso.
Aquí vos deixo algunhas fotos.

FESTIVAL DAS LETRAS GALEGAS

Ola a tod@s,
 canta diversión tivemos o xoves no festival das Letras Galegas. Celebramos a festa da nosa lingua e homenaxeamos a Xosé María Díaz Castro. Rock, rap, o baile da carrasquiña, o baile do pirata, teatro, recitamos a Antón Cortizas, bailamos, cantamos, ......A ABUELA MANUELA, que risas!!!
Parabéns a tod@s!
Aquí vos deixo algunhas fotos, pero estade moi atentos ao facebook do cole onde aparecerán moitas máis.

CONTOS CLÁSICOS

Prezadas nenas e nenos:
  
   Estou moi, moi, moi ledo porque vexo que respondestes moi ben á miña petición. quedei          abraiado con tanto libro e tantos complementos. ademais todos moi fermosos.
   Por iso quero darvos as grazas de corazón pola vosa colaboración..
   A exposición a min gustoume moito. E a vós?
   Moitíiiiiiiiiiiiiisimas grazas!
                                                                                                                                                                                         Biquiños 
                                                                                                                                                     Roel

P.D. Aquí vos poño algunhas fotos.

Xosé Mª Díaz Castro. Letras Galegas 2014.

Ola peques e pecas! O vindeiro xoves 15 de maio celebraremos no cole o Día das Letras Galegas cun festival moi chulo que estades a preparar. O autor homenaxeado este curso é Xosé María Díaz Castro. Aquí tedes unhos videos e cancións para coñecelo un pouquiño.
PINCHA AQUÍ E ATOPARÁS XOGOS E ACTIVIDADES PARA TODOS OS CICLOS DE E.P.

                                                               
Pincha na imaxe para xogar.