Cantigas populares

Publicamos a colección de cantigas populares que nos fostes entregando este curso. Podédelas ver 

pinchando aquí. 

Se queredes tamén tedes un libro impreso en cada aula e dous exemplares na biblioteca.

Entrevistamos a Carlos Sardiña.

Entrevistamos a Carlos Sardiña.

Autor das ilustracións

 que fan do cole A Fraga

 un mundo de soños e maxia.

 Carlos é Ilustrador e deseñador gráfico.

 Fundador de http://telodibujamos.com/,

 é autor de numerosas publicacións 

e como ilustrador colaborou en libros como

Galicia acorda, Bóveda ou Ferro Caaveiro, o arquitecto rebelde da catedral,…

Entrevista feita polo alumnado de 3ºE.P.

Ø  Canto tempo levas pintando? Toda a vida e dende fai 4 ou 5 anos estou sendo deseñador gráfico.

Ø  De donde che veñen as ideas das pinturas? Da cabeza. Soe ser todo inventado.

Ø  Cal foi o primeiro debuxo que fixeches? Non me lembro.

Ø  Como aprendiches a debuxar e pintar? Aprendín eu só e con moita práctica.

Ø  Alguén da túa familia pinta? Non, non pintan.

Ø  Puxécheste triste algunha vez ao pintar? Non, eu non me poño triste.

Ø  Por que che gusta pintar? Porque é unha forma bonita de imaxinación.

Ø  Tes moito traballo? Bastante, teño unha empresa en internet. Telodibujamos.com.

Ø  Canto tempo tardas en facer pinturas? Se é a lápiz moi pouco, se hai que pintar tardo moito.

Ø  Que tipos de debuxos che gusta facer? Gústanme de monstruos.

Ø  Cantos debuxos fixeches aproximadamente? 10000 seguro.

Ø  Fuches a algún campeonato de pintura? Fun a algún concurso.

Ø  Por que pintaches a Biblioteca? Porque mo dixo Manuel.

Ø  Como se che ocorreron as pinturas da Biblio? Dos debuxos e das personaxes famosas dos libros.

Ø  De todos os debuxos que fixeches, cal é o teu favorito? Non o sei.

Ø  E da nosa Biblioteca? O do Nautilus.

Grazas Carlos!!!!!

CELEBRAMOS O DÍA MUNDIAL DO MEDIO AMBIENTE

 O Día Mundial do Medio Ambiente é a data máis importante no calendario oficial das Nacións Unidas

 para fomentar a conciencia e a acción global a favor da protección do medio ambiente.

 Desde 1974, este día converteuse nunha plataforma global de alcance público, amplamente celebrado en máis de 100 países.

 Cada Día Mundial do Medio Ambiente céntrase nunha preocupación ambiental particularmente preocupante:

O tema de 2018 é vencer á contaminación por plásticos.

  

 

A mensaxe deste Día Mundial do Medio Ambiente é simple:

 “Rexeita o plástico descartable. Se non podes reusalo, rexéitao. Xuntos podemos trazar o camiño cara a un planeta máis limpo e verde.”

(António Guterres, Secretario Xeral da ONU).

  

 O país anfitrión do Día Mundial do Medio Ambiente, onde teñen lugar as celebracións oficiais, varía anualmente. Este ano é India.

Curiosamente Roel pasou pola India na súa viaxe arredor do mundo!!

Hoxe no cole celebramos este Día con vídeos, cancións e cunha explicación na que tamén estivo a nosa amiga Cora.

Pasámolo xenial e aprendimos moitas cousas. 

Somos coidadores do planeta!!!!!

2 DE ABRIL, DÍA INTERNACIONAL DO LIBRO INFANTIL

Desde 1967, o 2 de abril, 

coincidindo coa data do nacemento do escritor danés 

Hans Christian Andersen, (biografía e obras)

(SE QUERES VER OS SEUS CONTOS PINCHA AQUÍ)

o IBBY (aquí podes ler o pregón).

 promove a celebración do Día Internacional do Libro Infantil 

co fin de promocionar os bos libros infantís e xuvenís e a lectura 

entre os máis novos.

Reto nº 4

A SEMANA DA PRENSA NA ESCOLA

Xa chegamos á 

Semana da Prensa na escola.

A Semana da Prensa celebrouse por primeira vez en 1989.

Dende entón aparece anualmente no calendario escolar oficial,

este ano do 5 ó 9 de marzo,

especificando que esta semana

 traballarase na aula cos xornais.

Razóns que Prensa Escuela propón para ler o xornal na clase:

O xornal será o teu mellor libro de texto: distinto cada día.

Converterase na túa novela de aventuras favorita e irá contigo toda a vida.

 E saberás que poñen no cinema, na tele, que se leva esta tempada, como vai a Liga,... e moitas máis cousas que de seguro che interesarán.

...................

PINCHA NA IMAXE PARA LER DIFERENTES XORNAIS.

PINCHA NA IMAXE PARA FACER DIFERENTES ACTIVIDADES

PINCHA NA IMAXE PARA FACER ACTIVIDADES

AQUÍ PODES LER O XORNAL

VISITA DE ROEL

Ola peques e pecas,

que sorpresa tivemos hoxe!!

Roel fixo unha parada na súa

volta ao mundo en 175 días 

para facernos unha visita.

Viña de África cargado de mochilas viaxeiras para 3º e 4º E.P. 

e aproveitou para saudarnos.

Que ledicia!!

Mirade que carta máis chula nos deixou.

Grazas Roel, 

Ata pronto.

Ola de novo, nenos e nenas: 

Como xa sabedes continúo dando a volta ao mundo.  Acabo de voltar de África e xa estou a pensar na aventura pola India. Como me gusta o meu recuncho do cole con todos os recordos das viaxes!!!! Está xenial!!! 

O reto, as cantigas, os meus mandadiños…      Cantas cousiñas!  

Pero agora teño unha gran sorpresa: Mirade que mochilas!! 

        Espero que as disfrutedes. Son moi chulas!!  

        Que credes que hai dentro? 

Dicide, dicide……….quen o adiviña? 

Pois si, aquí dentro hai un tesouro: libros, xogos, música,…. 

e un caderno para que me escribades e debuxedes o que queirades. 

Xa estou desexando ver todo o que facedes.  

Son mochilas para disfrutar en familia e podedes telas na casa 

durante unha semana. Pero coidade moi ben o seu contido. 

Bicos roelanos!!!. 

Non vos esquezades de escribirme e debuxarme algo no caderno!!! 

Ata pronto!