VISITA A LUGO

                      SAÍDA CULTURAL A LUGO E VILALBA

O día 23 de maio, o alumnado de 5ª e 6º de primaria visitamos o Museo Provincial de Lugo, percorrendo con especial interese aquelas estancias nas que se expoñían restos da época  romana.

Máis tarde, na Casa dos Mosaicos e no Centro de Interpretación da Muralla completamos a nosa aprendizaxe sobre a romanización.

Unha breve visita á muralla e o xantar nas Termas completaron unha mañá interesante e educativa.

Pola tarde, e como complemento á actividade realizada na clase con técnicos das denominacións de orixe San Simón da Costa, Arzúa-Ulloa e Tetilla, nas instalacións da queixería CASLEIRAS (Oleiros-Vilalba) o seu propietario explicounos polo miúdo o proceso de elaboración do queixo que fabrica: San Simón e tipo Arzúa-Ulloa.