APRENDENDO CON TODA A ENERXÍA

Coñercer as novas formas de conseguir enerxías limpas, reducindo a contaminación ambiental  sen perder calidade de vida foi o noso obxectivo na visita ao Parque Eólico Experimental Sotavento en Xermade.

Alí, con xogos e atendendo ás explicacións dos monitores  observamos experimentalmente as posibilidades da enerxía eólica, solar e maremotriz entre outras. Tamén puidemos comprobar as diferenzas entre as enerxías alternativas e as usadas durante moito tempo, como é o caso da térmica.

Resultou moi educativo comprobar a diferenza de consumo das lámpadas tradicionais  con relación ás de baixo consumo e tamén  ver canto consumen algún aparellos de uso diario.