XA TEMOS COMPOSTEIRO !!!

 

 

 

Unha das actividades previstas para este trimestre dentro do proxecto da Axenda 21 é a instalación dun composteiro. Despois dunha primeira fase na que estivo no corredor da entrada para que o alumnado puidese observalo e familiarizarse con el, chega o momento de instalalo no exterior e iniciar a elaboración de compost.

 

*QUE É O COMPOST? O compost, como produto da compostaxe , é un material estable, hixiénico e semellante ao humus do bosque, que se pode empregar como abono natural  en substitución dos fertilizantes químicos.

A compostaxe pode realizarse nunha pila, pero é máis practico usar un composteiro.

*QUE NECESITAMOS PARA FACER COMPOST?

- Un sitio axeitado no xardín.
- Un composteiro.
- Unha ferramenta para voltear.
- Auga.
- Residuos de cociña ( restos de froita, verdura, borras de café...)
- Residuos vexetais do xardín ( restos de poda, ramiñas, follas secas, céspede...)