PREVENCIÓN DE INCENDIOS FORESTAIS

 Neste curso, e dentro do proxecto "Valorando o noso medio" da Axenda 21, prestaremos especial atención ao tema dos incendios forestais. Para iniciar a concienciación do alumnado, tivemos una primeira actividade con persoal do Distrito Forestal I de Ferrol.

Na parte teórica, a presentación en power point e os videos didácticos xunto coas explicacións da coordinadora, do axente forestal e dos membros da cuadrilla resultaron amenos e educativos.

Pero o momento máis agardado foi o de observar e manipular o material da loita contra o lume: vehículo motobomba, equipamento do persoal, sistema de comunicación e maneira de atacar o lume.

Un tempo ben aproveitado para ir creando conciencia de que na prevención dos incendios debemos participar todos.