Hoxe celebramos o Día da Paz con diversas actividades no colexio: tomamos chocolate con churros todos xuntos, cantamos e bailamos… o pasamos pipa!!
Tamén debuxamos “apertas agarimosas” de paz!!
Deixámosvos aquí un pequeno vídeo!!
.
Paola, fíxonos unha exposición sobre as características do outono e,
especialmente, das follas que podemos ver.
Deixámosvos estas fotos tan interesante das súas explicacións!!
Noraboa, Paola, estupendo traballo!!!
.
Despois do recreo xuntámonos todas as nenas e nenos de Ed. Infantil e Primaria para asistir á presentación de dous dos nosos traballos colectivos de centro, integrados dentro dos proxectos de centro Axenda 21 Escolar de Galicia e MeteoEscolas:
Conchi presentounos o noso Refraneiro Meteorolóxico, feito con todos os refráns que recollemos no 2º trimestre, en galego, castelán e inglés. Se queredes podedes ampliar información nesta ligazón.
Despois Graña presentounos o Catálogo de especies arbóreas do cole e, a continuación, saímos a etiquetalos cos seus correspondentes carteis, encargándonos por cursos de colocalos. Podedes ampliar información nesta ligazón.
Finalmente, fixemos unha recollida colectiva de lixo que puidera haber nos patios, que algún ás veces chega arrastrado polo vento ou se nos pode escapar a nós mesmos…
Foi un día moi completo, pero non esquecemos que todos os días son días do Medio Ambiente!!!
.
Forman parte do noso proxecto da Axenda 21 Escolar de Galicia, que para o Día Mundial do Medio Ambiente imos celebrar con, entre outras cousas, a catalogación das especies arbóreas do noso cole.
Pasámolo moi ben e aprendimos cousas moi interesantes en relación á natureza e medio ambiente que nos rodea.
Se queredes podedes botar unha ollada ás fotos nesta GALERÍA.
.
Asistimos todos as nenas e nenos de Primaria e… canto rimos!!!
Estivo moi ben, pasamos un rato moi divertido.
Se queredes podedes ver unhas fotos nesta galería: A nosa vida, por Leda Teatro.
.
O equipo feminino do cole da Fraga ven de gañar esta fin de semana o VIII Maratón de Fútbol Sala 2013 Abrente, no que participaban 8 equipos masculinos e 6 equipos femininos, de nais, pais, mestras e mestres.
Na final feminina as nosas campionas gañáronlle ao equipo da Barosa nos penaltis, despois dun partido moi emocionante que finalizou con empate a cero.
Temos algunhas fotos que podedes ver nesta galería:
VIII Maratón de Fútbol Sala 2013 Abrente de Nais-Pais-Mestras-Mestres
.
Se queredes ver as fotos do festival das Letras Galegas,
adicado este ano a Roberto Vidal Bolaño,
podedes facelo nesta galería :
.
con gallo do Día Mundial da Muller Traballadora o 8 de marzo, hoxe viñeron unhas monitoras do Concello de As Pontes a realizar varias actividades moi chulas cos nenos e nenas de E. Primaria, para entender mellor a igualdade de dereitos e oportunidades entre homes e mulleres.
Pasámolo moi ben!!! Podedes ver unhas fotos nesta GALERÍA DÍA DA MULLER TRABALLADORA 2013
Para a Semana que ven, os peques de E. Infantil terán un contaconto titulo "O país dos mandóns".
Tamén fixemos uns traballiños para aprender máis cousas, e os nenos e nenas de 2º de Primaria puideron colgalos no taboleiro de novas para que todo o mundo lembrase o importante que é o traballo que fan as mulleres. Deixámosvos aquí unha mostra con estas fotografías.
.
O 24 de febreiro conmemórase o Día de Rosalía de Castro, data do seu nacemento. Este ano ten unha especial relevancia ao se cumpriren 150 da publicación de Cantares Gallegos, o primeiro libro íntegro monolingüe do renacemento da nosa literatura culta. Con este motivo, os actos tentarán proxectar a figura e obra rosaliana nos diferentes sectores sociais.
A Asociación de Escritoras e Escritores en Lingua Galega (AELG) anima á cidadanía a agasallar un libro en galego e unha flor no día do nacemento de Rosalía de Castro.
Ademais, a Asociación de Escritoras e Escritores en Lingua Galega organizará, como xa fixo en anos anteriores, un completo programa de actos con motivo da celebración pública do Día de Rosalía. Entre outros a AELG propón aos centros do ensino a inclusión de actividades escolares na súa programación, como lecturas e gravacións audiovisuais por parte do alumnado de poemas de Cantares Gallegos, que divulgaremos desde o noso espazo web para darlles visibilidade social.
Na SEGUNDA LECTURA COLECTIVA de Cantares Gallegos, participan 37 centros educativos de toda Galicia e de todas as etapas, con alumnado de todas as idades.
O noso centro participa lendo "Ora, meu meniño, ora", lido por 2º de Educación Primaria.
Mirade que bonito saíu!!! Noraboa mociñas e mociños!!!
Para ampliar información podedes visitar a web da Asociación de Escritoras e Escritores en Lingua Galega.
.
O 21 de febreiro conmemórase o Día Internacional da Lingua Materna 2013.
No noso cole imos ver a película de animación "O bosque animado" en galego, película gañadora de 2 Goyas na
XVI edición de los Premios Goya e, incluso, chegou a estar preseleccionada para competir polo Oscar á Mellor película de animación.
Que ben o imos pasaaaar!!
.
Este mércores 30 de xaneiro, celebramos no cole o Día da Paz. 
