Centro Plurilingüe A FRAGA

WENLOCK AND MANDEVILLE

These are Wenlock and Mandeville, the London 2012 official mascots.

Click on the image to listen to a song: "On a rainbow".

Son Roel, un esquío que vive na Fraga que está preto da escola que leva o mesmo nome. Encántanme os nenos e as nenas, así que fíxenme amigo de todos os que hai na escola. Tamén gústame moito ler, por iso paso moito tempo na biblioteca do cole.

Se queres podes visitar o meu Blog

Relixión Católica

A profesora de Relixión Católica para educación infantil e primaria é Cristina Gómez Pita.
Na clase de Relixión buscamos unha educación en valores destacando a igualdade entre as persoas de distintos sexos e de distintas razas e fomentando o respecto entre elas.
Intentamos tamén desenrolar un comportamento afectivo-social destacando o aprecio e respecto das diversas crenzas relixiosas; o agradacemento e confianza en Deus que nos quere e se ocupa de nós e o agradacemento a Xesús polo seu amor.
A metodoloxía empregada é activa, creativa e participativa, que combina as actividades individuais coas de grupo, promove o protagonismo do alumnado mediante lecturas en voz alta, presentación en público dos traballos, exposición dos contidos, ....
A avaliación é continua tendo en conta os traballos do caderno, as actividades de aula e a actitude.
A nota calcularase de xeito ponderado baseándose nas seguintes porcentaxes: 70% traballo diario e 30% actitude.

Equipo de Dinamización da Lingua Galega

Composición do EDLG

No presente curso este equipo está formado polos seguintes membros:

	Ana María Gutiérrez Fernández	(especialista en educación infantil e coordinadora de EACE)
	Rosa María Roca Vázquez	( 2º ciclo de educación primaria e encargada da biblioteca)
	José Manuel Graña	(mestre do 2º ciclo)
	Mª Isabel Franco Cabarcos	(especialista de lingua inglesa e coordinadora 2º ciclo)
	Eva Conde Murado	(mestra do 3º ciclo )
	Manuel Prieto Pico	(mestre 3º ciclo)
	Mª Concepción Ferreiro Torres	(especialista de música)
	Rosa Pazos García	(1º ciclo de educación primaria)
	Cristina Gómez Pita	(coordinadora do EDL e mestra de relixión católica)

O noso obxectivo xeral é fomentar o emprego da lingua galega na nosa comunidade escolar e mergullarse na cultura do noso pobo.

Proxecto Lingüístico de Centro: Plurilingüismo

Como consecuencia dos obxectivos planificados ao longo dos últimos anos, neste curso 2011-12 comeza a facerse realidade o noso Proxecto Plurilingüe no 1º nivel de Ed. Primaria e que se irá completando ata rematar en toda a etapa. Tamén temos a Sección Bilingüe na área de plástica no 3º ciclo de E. Primaria.

A modo de resume, os obxectivos do noso Proxecto Lingüístico son:

OBXECTIVOS XERAIS

Fomentar o uso da lingua galega en todas as actividades do centro coa participación de todos os membros da comunidade educativa.

Potenciar a presenza no ensino da realidade, cultura, historia, xeografía, economía, etnografía, lingua, arte e folclore galegos.

Reforzar a dimensión comunicativa da lingua inglesa.

Valorar a lingua inglesa como instrumento de transmisión e construción de coñecementos.

OBXECTIVOS ESPECÍFICOS

Implicar a todos os integrantes do centro no proceso de dinamización.

Conseguir actitudes positivas de cara ás linguas galega, inglesa e castelán.

Mellorar a competencia lingüística dos membros da comunidade educativa.

Utilizar a lingua galega en todos os comunicados do centro.

Empregar as linguas galega, castelá e inglesa nos rótulos do centro.

Fomentar o uso da lingua galega nas relacións cos alumnos, pais e profesores na medida do posible.

Potenciar o galego e o inglés no ensino.

Programar e desenvolver na clase de inglés actividades relacionadas con outras áreas do currículo.

Desenvolver actividades nas materias relacionadas coa cultura, historia, xeografía, etnografía, literatura, folclore etc.

No noso centro impártense en galego as seguintes áreas segundo é preceptivo:

En educación infantil: Impártese o 50% en galego.

En educación primaria: Lingua galega, Coñecemento do medio.

Ademais destas áreas, tamén se imparten en galego: Música, Relixión católica, Ensino globalizado en educación infantil, Estimulación da linguaxe oral en infantil.

Impártense en inglés a Lingua Inglesa e a Plástica no 3º ciclo de Ed. Primaria.

Desde o curso 2011-2012 formamos parte da Rede de Centros Plurilingües de Galicia.

A nosa finalidade é mellorar a competencia comunicativa do noso alumnado en lingua inglesa e fomentar a pluralidade lingüística e cultural no noso centro, para facilitar a integración do alumnado nun contexto cultural e económico globalizado.

Comezamos este ano impartindo no 1ºcurso de Ed. Primaria a Plástica en inglés para rematar, no curso 214-2015, a impartición da materia de Plástica de toda a etapa.

ANPA MEDOÑAS

Que é a A.N.P.A. e que facemos

A A.N.P.A. Medoñas é unha Asociación de Nais e Pais sen ánimo de lucro cuxo obxectivo xeral é facer posible que os nen@s pertencentes a CEIP a Fraga realicen actividades distintas das académicas co fin de complementar a súa formación como cidadáns. Ao mesmo tempo pretende contribuír ao coñecemento, divulgación e trasmisión das costumes e cultura galegas.
A súa directiva está formada por nais e pais de alumn@s do centro que adican o seu tempo e esforzo de xeito desinteresado para lograr este obxectivo. Dentro das distintas actividades que vén desenvolvendo a A.N.P.A. podemos destacar:

Taller de plástica
No presente curso uníronse as actividades de manualidades e pintura. As clases son levadas a cabo por Carmen Bellas, licenciada en Belas Artes e cunha longa experiencia como monitora. Nas clases trabállanse diferentes técnicas dependendo da idade dos rapaces e ao remate do curso escolar exponse unha mostra dos traballos realizados no "Mercado Vello". Esta exposición está aberta a todo o público que desexe admirar a creatividade dos nosos pequen@s artistas.

Obradoiro de Teatro
Este obradoiro conta cunha traxectoria de 7 cursos no noso colexio, cuns excelentes resultados. Está dirixido por Montserrat Piñón, diplomada en Educación Infantil, monitora de teatro na escola de Teatro de Narón e integrante do grupo teatral "PINCOPE". Neste ano, debido á súa maternidade, o curso está sendo capitaneado polo seu compañeiro Pepablo. A actividade ten lugar os martes de 17 a 18 horas.

Obradoiro inglés de conversa
Esta actividade é unha novidade neste curso e está sendo impartida por Sara Ramos, licenciada en Filoloxía Inglesa. As clases impártense no colexio os martes e os xoves a diferentes horas dependendo da idade de os nen@s.

Festas e celebracións populares
A ANPA participa na celebración das festas do Magosto, Nadal, Entroido e Fin de Curso, aportando as bebidas e lambetadas propias de cada data como castañas, orellas, etc. Tamén convida ao chocolate con churros o Día da Paz grazas ao traballo altruísta de Carmen Mota, nai dun dos nosos alumnos.
Na Festa de Fin de Curso motiva a todo os alunm@s do pobo a disfrutar de diferentes obradoiros e xogos populares para despedir todos xuntos o curso.
Por último, contribúe nalgunha das festas sufragando os gastos da actuación de teatro.

Agasallos e subvencións
Esta asociación dende hai tempo subvenciona parte das excursións dos seus soci@s durante o ano escolar e obsequia con numerosos agasallos aos nen@s do colexio, tanto de maneira individual como colectiva.

Almorzos
Desde o curso 2010-2011 a A.N.P.A. encárgase de organizar o programa “Almorzos no Cole” co fin de favorecer a conciliación da vida laboral e familiar.

Actividades deportivas
A A.N.P.A. intenta promover e estimular a práctica do deporte como actividade física, mental, lúdica e preventiva entre os nosos nenos a través da participación en ligas, torneos, carreiras, maratóns e calquera outro evento deportivo que se celebre na localidade.
A directiva da ANPA participa no desenvolvemento e organización de actividades tan populares na nosa vila como son a liga escolar de fútbol sala, os distintos maratóns de fútbol sala de ABRENTE, o Torneo Anual de Xadrez, a Carreira de San Xosé e a Carreira Campo a Través.
Queremos aproveitar estas liñas para agradecer a todas aquelas persoas que dun ou outro xeito contribuíron co seu tempo, esforzo, ganas e ideas a ir consolidando un modelo de asociación que cremos fundamental no funcionamento do Colexio. Co seu apoio reiterado os nosos fillos puideron gozar dunha educación máis alá da meramente académica e aínda que todos esteamos acostumados a que estas actividades formen parte, ano tras ano, do quefacer diario de nosos pequenos, requiren unha mínima organización e tamén a comprensión e apoio de todos os integrantes da nosa asociación.

Celebracións das Letras Galegas 2012

Ola a todos!!

Aquí tedes unha pequena presentación con algunhas fotos das actuacións dos nenos e nenas do Cole no Festival das Letras Galegas de 2012, adicado nesta ocasión a Valentín Paz Andrade.

Esperamos que vos guste!!

PD: Grazas a Ana Lema polo seu traballo, tempo e esforzo, preparando esta presentación.

Axenda 21 Escolar de Galicia

A Conferencia das Nacións Unidas sobre Medio Ambiente e Desenvolvemento que tivo lugar en Río de Xaneiro en 1992 aprobou, como un dos seus documentos máis relevantes, a Axenda 21.

En realidade a Axenda 21 significa un plan de traballo global para o século XXI, un plan de acción das Nacións Unidas para un desenvolvemento sostible, que comprende e conxunta cuestións ambientais, económicas, sociais e culturais.

A Axenda 21 Escolar é o compromiso do CEIP A Fraga para traballar pola calidade ambiental e a sostibilidade do centro educativo e o seu contorno, aceptando a súa parte de responsabilidade en mellorar o presente e o futuro de todos e contribuíndo así, desde o seu nivel local, á sostibilidade global do planeta.

OBXECTIVOS XERAIS

Motivar á comunidade educativa a participar e implicarse na A21EG.

Fomentar a participación e a responsabilidade a través das accións que desenvolva o programa.

Considerar a A21EG como un Programa de centro.

Mellorar a xestión dos recursos do centro mediante o fomento de prácticas de consumo responsable: introducir cambios de hábitos individuais e colectivos do alumnado, profesorado, persoal non docente...